nagpur pune vande bharat express:महाराष्ट्राला महाराष्ट्रातच एक नवीन वंदे भारत ट्रेन मिळणार असुन १० ऑगस्ट रोजी पंतप्रधान श्री नरेंद्र मोदी यांचे हस्ते नागपूर-पुणे वंदे भारत एक्सप्रेसचे उदघाटन होणार आहे.उद्घाटन ऑनलाईन पद्धतीने होणार आहे. सकाळी 9 वाजता नागपूर रेल्वे स्टेशनवर आयोजित कार्यक्रमात पंतप्रधान मोदी ऑनलाईन उपस्थित राहणार असून, याच कार्यक्रमात बेंगळुरू-बेळगावी आणि श्री माता वैष्णोदेवी कटरा-अमृतसर वंदे भारत एक्सप्रेस सेवांचाही पंतप्रधानांच्या हस्ते प्रारंभ होईल.
Table of Contents
पुणे लोकसभा मतदारसंघाचे खासदार आणि केंद्रीय नागरी उड्डाण आणि सहकार राज्यमंत्री मुरलीधर मोहोळ यांनी ‘एक्स’ (पूर्वीचे ट्विटर) वर नागपूर पुणे वंदे भारत एक्सप्रेस रेल्वेच्या उद्घाटनाची ही घोषणा केली.
“पुणे-नागपूर दरम्यानचा प्रवास आता वेगवान आणि आरामदायी होणार आहे. वंदे भारत एक्सप्रेसमुळे विदर्भ आणि पश्चिम महाराष्ट्रातील व्यापार, शिक्षण, आरोग्यसेवा आणि उद्योगांना चालना मिळेल. महाराष्ट्राच्या विकासात ही ट्रेन महत्त्वाची भूमिका बजावेल,” असे मोहोळ म्हणाले.
पुणे ते नागपूर वेगवान जोडणी
भारत सरकारच्या रेल्वे प्रवासाचे आधुनिकीकरण करण्याच्या योजनेअंतर्गत सुरू झालेल्या वंदे भारत एक्सप्रेसने तिच्या अत्याधुनिक सुविधा आणि कमी वेळेमुळे प्रवाशांमध्ये मोठी लोकप्रियता मिळवली आहे. पुणे-नागपूर मार्ग, ८८४ किमीचे अंतर फक्त १० तासांत पार करतो. ही ट्रेन अजनी (नागपूर), वर्धा, बडनेरा, अकोला, भुसावळ, जळगाव, मनमाड, कोपरगाव, अहमदनगर आणि दौंड या प्रमुख शहरांना जोडते. आता शेगावच्या थांब्यामुळे, विशेषतः भाविकांसाठी प्रवास अधिक सोयीचा होणार आहे.
शेगाव ला थांबा मंजुर
पुणे-नागपूर वंदे भारत एक्सप्रेसच्या शेगाव येथे नवीन थांब्यामुळे हजारो भाविकांना मोठा दिलासा मिळणार आहे. बुलडाणा जिल्ह्यातील शेगाव, ज्याला विदर्भाची पंढरी म्हणूनही ओळखले जाते, तिथे हा थांबा देण्यात आला आहे. केंद्रीय आयुष आणि कुटुंब कल्याण राज्यमंत्री प्रतापराव जाधव यांच्या सततच्या प्रयत्नांनंतर आणि रेल्वेमंत्री अश्विनी वैष्णव यांच्याशी झालेल्या चर्चेनंतर, १० ऑगस्ट २०२५ रोजी या सेवेचे अधिकृत उद्घाटन होणार आहे.रेल्वे विभागाने जारी केलेल्या परिपत्रकानुसार, नागपूर-पुणे वंदे भारत एक्सप्रेस मार्गामध्ये शेगावचा थांबा समाविष्ट करण्यात आला आहे. यामुळे संत गजानन महाराज संस्थानला भेट देणाऱ्या प्रवाशांसाठी कनेक्टिव्हिटी वाढणार आहे. देशभरातून शेगावला मोठ्या संख्येने भाविक येत असल्याने, हा थांबा या वेगवान सेवेसाठी एक महत्त्वाची भर ठरणार आहे.
नवीन वेळापत्रकानुसार, नागपूर-पुणे वंदे भारत एक्सप्रेस आठवड्यातून सहा दिवस धावेल. ही गाडी सकाळी ९:५० वाजता नागपूरहून सुटेल आणि वर्धा, बडनेरा आणि अकोला मार्गे दुपारी १:२० वाजता शेगावला पोहोचेल, त्यानंतर ती पुण्याकडे मार्गस्थ होईल. पुण्याहून परत येताना, ही ट्रेन दुपारी २:४५ वाजता शेगावला थांबेल आणि नंतर नागपूरकडे रवाना होईल.मंत्री प्रतापराव जाधव यांनी रेल्वेमंत्र्यांकडे शेगावच्या आध्यात्मिक आणि सांस्कृतिक महत्त्वावर भर देत या थांब्याची वैयक्तिकरित्या शिफारस केली होती. त्यांच्या यशस्वी प्रयत्नांमुळे आता संत गजानन महाराज संस्थानला जाणाऱ्या भाविकांना भारतातील सर्वात आधुनिक ट्रेनपैकी एका ट्रेनमधून जलद आणि आरामदायी प्रवासाचा अनुभव घेता येणार आहे. या नवीन थांब्यामुळे, वंदे भारत एक्सप्रेस महाराष्ट्रातील रेल्वे कनेक्टिव्हिटीला अधिक बळकट करते, त्याचबरोबर पुण्यात राहणाऱ्या गजानन महाराज भक्तांना वेगाने दर्शनासाठी शेगावला येता येईल.
असे असेल वेळापत्रक – अंदाजे भाडे (Nagpur-pune vande bharat train timetable-fare):
रेल्वे क्रमांक २६१०२: अजनी (नागपूर) – पुणे वंदे भारत एक्सप्रेस•
प्रस्थान: अजनी (नागपूर) – सकाळी ९:५०•
थांबे: वर्धा, बडनेरा, अकोला, शेगाव (दुपारी १:२०), भुसावळ, जळगाव, मनमाड, कोपरगाव, अहमदनगर, दौंड• पोहोच: पुणे जंक्शन – रात्री ९:५०
रेल्वे क्रमांक २६१०१: पुणे – अजनी (नागपूर) वंदे भारत एक्सप्रेस•
प्रस्थान: पुणे जंक्शन – सकाळी ६:२५•
थांबे: दौंड, अहमदनगर, कोपरगाव, मनमाड, जळगाव, भुसावळ, शेगाव (दुपारी २:४५), अकोला, बडनेरा, वर्धा• पोहोच: अजनी (नागपूर) – सायंकाळी ६:२५
टीप: ही ट्रेन आठवड्यातून सहा दिवस धावेल. अजनीहून निघणारी ट्रेन दर सोमवारी आणि पुण्याहून निघणारी ट्रेन दर मंगळवारी धावणार नाही.
अंदाजे भाडे (Tentative Fare):nagpur pune vande bharat express
•एसी चेअर कार (AC Chair Car): अंदाजे ₹१,५००
•एक्झिक्युटिव्ह चेअर कार (Executive Chair Car): अंदाजे ₹३,०००
गाडीच्या निर्धारित वेळा पाहता पुणे नागपूर हे अंतर 12 तासांमध्ये कापले जाणार असल्याने विदर्भ व पश्चिम महाराष्ट्रातील प्रवाशांना दिलासा मिळणार आहे.नागपूर रेल्वे स्थानकावरून ही तिसरी वंदे भारत एक्सप्रेस सेवा असेल. यापूर्वी नागपूर-बिलासपूर आणि नागपूर-सिकंदराबाद या दोन वंदे भारत एक्सप्रेस सेवा सुरू आहेत.
e-aadhaar-app नवीन ई-आधार ॲप: आता आधार माहिती मोबाईलवरूनच बदलता येणार – जाणून घ्या कसे
पुणे-नागपूर वंदे भारत एक्सप्रेस – वारंवार विचारले जाणारे प्रश्न (FAQ):
1. पुणे-नागपूर वंदे भारत एक्सप्रेसचे उद्घाटन कधी आणि कोणाच्या हस्ते होणार आहे?
> या सेवेचे उद्घाटन १० ऑगस्ट २०२५ रोजी पंतप्रधान नरेंद्र मोदी यांच्या हस्ते ऑनलाइन पद्धतीने होणार आहे. उद्घाटन कार्यक्रम सकाळी ९:०० वाजता नागपूर रेल्वे स्टेशनवर होणार आहे.—
2. वंदे भारत एक्सप्रेस कोणत्या मार्गांवरून जाते आणि कोणते महत्त्वाचे थांबे आहेत?
> ही ट्रेन नागपूर ते पुणे या मार्गावर वर्धा, बडनेरा, अकोला, शेगाव, भुसावळ, जळगाव, मनमाड, कोपरगाव, अहमदनगर आणि दौंड या प्रमुख स्थानकांवर थांबते. शेगावचा थांबा विशेषतः भाविकांसाठी महत्त्वाचा आहे.—
3. ट्रेन कोणत्या वेळांना सुटते आणि पोहोचते?नागपूर ते पुणे (26102):प्रस्थान: सकाळी ९:५०, पोहोच: रात्री ९:५०पुणे ते नागपूर (26101):प्रस्थान: सकाळी ६:२५, पोहोच: सायंकाळी ६:२५ट्रेन आठवड्यातून ६ दिवस धावेल.सोमवारी (नागपूरहून) आणि मंगळवारी (पुण्याहून) ट्रेन चालणार नाही.—
4. पुणे-नागपूर वंदे भारत एक्सप्रेसचे तिकिटाचे दर किती आहेत?
> अंदाजे भाडे खालीलप्रमाणे आहे:-AC चेअर कार (Chair Car): ₹ १,५००- एक्झिक्युटिव्ह चेअर कार (Executive Chair Car): ₹ ३,०००
(नोंद: हे दर बदलू शकतात, बुकिंगच्या वेळी IRCTC वेबसाइटवर तपासा.)—
5. पुणे-नागपूर वंदे भारत एक्सप्रेस कशी उपयुक्त ठरणार आहे?
> ही ट्रेन विदर्भ आणि पश्चिम महाराष्ट्र यांना वेगाने जोडते. व्यापार, शिक्षण, आरोग्य आणि पर्यटनासाठी हा मार्ग उपयुक्त आहे. तसेच संत गजानन महाराज संस्थान, शेगाव येथे जाणाऱ्या भाविकांसाठीही ही सेवा विशेष लाभदायक आहे.—
